Heinz Kammermann wird Ehrenpräsident des VVV Burgdorf.

An der Hauptversammlung der VVV Burgdorf vom 7. März 2008 gibt Heinz Kammermann
nach Erreichung des 70. Altersjahrs seine bereits früher angekündigte
Demission als Präsident des VVV Burgdorf bekannt.

Nur ungern wird diese von der Versammlung akzeptiert.

Als Anerkennung seiner Jahrzehnte langen unermüdlichen Mitarbeit im Vorstand,
davon lange Zeit als Präsident, wird er auf Vorschlag des Vorstandes zum

EHRENPRÄSIDENT

ernannt.

Liebe Heinz, üse Presi u Vögeliätti

Wie mängisch hei mir gseit, we mir dä Heinz nid hätti !!!!
Du hesch für üse Verein dänkt, hesch gschribe, bisch umegfahre
hesch telefoniert u z'letscht aues i di richtige Bahne glänkt.
Wie mängisch hesch äch Du nid gschlaffe, hesch grüblet hin u här?
Denn öppis wos bi Dir nid git isch d's Wort "villicht" oder "ungefähr".
Ganz genau u bis i z'letschte Detail usdänkt, hesch Du
Versammlige, Träffe, Usstellige u wunderschöni Reise glänkt.
Hesch Dir Chummer u Sorge gmacht, wenn öppis nid het klappt
u öppe die het me de o Di bi me ne "Gottfridstutz" ertappt.
Sit mängem Jahr hesch Du für d'Vögelifründe, Dini Kamerade
u für e Verein Dini Chraft u Dis Härzbluet gä.
Drum si mer aui derfür, dass Du's iz de öppe chli langsamer sötsch näh.
Heinz hie, Vögeliätti da, hets aube gheisse, u nie hesch Du gseit
Ig wett am liebschte ds Handtuech schmeisse.
Bim Heinz het's gäng e Lösig gä
u iz chasch Du öppis vo Dim Bürdeli übergä.
Heinz mach iz das u gangs chli langsamer a
Du weisch ja gar nid, wie schön es isch
mit Kamerade zäme si, ohni Verpflichtige müesse z'ha.
Gniess doch das chli meh u meh
u bou chli Tschöppli ab, chli meh u meh.
Wär's nid schön, we Du am 18, Mai am Morge chönntsch häreköckle u säge,
i hätt iz o gäern e Röschti u nes Vögelerzmorge.
Ganz vili schöni Stunde möchte mir mit Dir no erläbe
Drum isch es iz Zyt, Dir tuusig Mal DANKE z säge
Danke für aues, wo Du für üse Verein hesch uf Di gno
für das söttsch Du ja zähtuusig Merängge übercho.
Mir wünsche Dir GSUNDHEIT u no vili schöni Stunde
u blib no lang i üser VVVB-Runde.


Margrit Stalder